لو جالك عريس هتعملى ايه؟؟؟؟

*لو جالك عريس متقوليش لحد من صحباتك ؛الحاجات دي بتتنظر وأنتي عارفه البنات عينيها وحشة


*لو واحدة من صحباتك جبتلك عريس إوعي تشوفيه أو توافقي عليه


لوكان عدل كانت خدته هي


*هتقولي طب لو متجوزة أقولك هتبقي عاوزاكي تاخدي واحد أقل من المنيل جوزها


*متفضحيش الدنيا أما يجيلك عريس أصبري شوية لما تمسكيه كويس هتصيّحي لنفسك ع الفاضي وتتحسب عليكي خطوبة


*في أول مقابله لو لاقيتيه بيبص ف ساعته ..قاعد مش على بعضه.. وشه إتخطف وبان عليه خيبة الأمل إعرفي إنك معجبتيهوش .. إسبقي إنتي وقولي إنك رافضاه؛ متخليش واحد زي ده يقول أنه مش عاوزك


متزعليش عليه ولا على غيره.. الرجالة زي الأتوبيسات واحد عدّى التاني جاي وراه


كمان الرجال زي الدبان هتهشي واحده هييجي عشرة غيره


*عجبتك ؟طب خدي دي: الرجالة زي المطبات كل ما تفتكري خلصت منهم هتقعي في مطب جديد مش عاملة حسابه


*لو معجبتيش أكتر من واحد إوعي تحسي بالإحباط بكرة هيجي اللي أحسن منهم ؛إلا ما كان واحد..فيهم عدل


*مهما كنتي وحشة متقلقيش فيه اللي أوحش منك وإتجوزوا


-بعد الخطوبة


*بصي ..عذبيه.. الراجل يحب يتعذب البنت السهلة يدوبك يفكر فيها يومين ويدور على غيرها


*إوعي تقوليله بحبك أو عينيك عجباني الراجل ميحبش كده أبدا


*إوعي تروحي ميعاده قبله حاولي تتلكعي تروحي بعده بربع ساعه أو نص ساعه الراجل لو إستناكي هيتعلق بيكي أكتر


*لو سألك عرفتي حد قبلي قوليله لا حتى لو كنت مصاحبة رجالة مصر القديمة والجديدة


*لو حاول يوقعك ويقولك بحب الصراحه وكده، برضه خليكي ناصحه أنت عمرك ما عرفتي راجل غير باباكي طبعا


*هيقولك هسامحك وده ماضي متصدقيش برضه الرجاله قلبهم أسود وهيمسكهالك ذله العمر كله


*إحترمي أهلك متغلطيش فيهم قدامه حتى لو كانوا بيئة وربش علشان ميتجرأشي عليكي وعليهم


*هيقول إذا كان أهلها بتعمل معاهم كده هتعمل معايا ايه؟ هيعملك فيها مصلح اجتماعي بروح امه


*بلاش زن ورنات تليفونات ورسايل حب وهيام دول عالم .... مش هيقدر الحاجات دي هيتغّر ويفتكر نفسه أحمد عز وهو زي ما إنتي شايفاه قومي بصي لصورته ع الموبايل


*خليكي زي فوزية إوعي يمسك إيديكي هيطمع فيكي ويفتكرك واحدة من إياهم ،يرضيكي واحد ملوش لازمة زي ده يفتكرك واحده من إياهم


*هيضغط عليكي باسم الحب ياسم العواطف باسم أنكم في حكم المتجوزين إنك تروحي الشقه معاه روحي بس المرة الجاية مش هيبقي لوحده هيجيب معاه أصحابه


سيبيه يرغي براحته وعدي الفشر اللي هيفشره عن البنات اللي دايبين في دباديب سيادته إعملي إنك مصدقاه مع أنك عارفه إنك لولا خايفة لا تبقي عانس مكنتش قبلتي بواحد زيه



*خليكي دايما في أحسن صورة هيقولك بحبك تكوني على طبيعتك بحبك من غير ماكياج متعمليش كده لأنه بيتلاءم عليكي عاوز يعرف أنتي حلوة فعلا وإلا دي بويه ..خليه على عماه
احنا ما صدقنا وقعناه...

[b][color:4896=violet]ههههههههههههههههه[/color][/b]
[b][color:4896=violet]موضوع جميل والله يا سويت [/color][/b]
[b][color:4896=violet]وكلمة لو كان عدل كانت خدته دى روعه [/color][/b]
[b][/b]

ههههههههههههههههههههههههههههههه
.
الرجالة زي الأتوبيسات واحد عدّى التاني جاي وراه ههههههههههههههههه
.
انتي الصراحه تستحقي مقدمه للبرامج الي علي موجه كوميدي الست الي بتخطب للبنات دي
.
بس ان شاء الله لو بقتي كده نص بنات مصر هتعنس بالنصايح دي من غير زعل انا بهزر
.
موضوع جااااااااامد

هههههههههههههههههههه

ماشى اى خدمه يا عم ؟؟؟؟؟

بس والله ده العادى بتاع البنات

لاء مش كلهم

هو انا قلت كلهم الوقت؟؟؟

هههههههههههههههه اطلاقا !!!!!!!

هيقول إذا كان أهلها بتعمل معاهم كده هتعمل معايا ايه؟ هيعملك فيها مصلح اجتماعي بروح امه
ههههههههههههههههههههههه الجمله دى جامده والموضوع كله جامد
واد يا ايمن تيجى نروح عند اللسان هههههههههههههه

عليا النعمه موضوع عشره علي عشره يا سويت
كوميدي جدااااااااااااااا...ونصائح جاااامده
وبالظبط زي ما ايمن قال النصائح دي ممكن تخلي نص بنات مصر تعنس
هههههههههههههههههههههههههه

ههههههههههههه

يلا مش مشكله هما معنسين خلقه

هههههههههههههه
ممكن برضه

وااااااااااو الموضوع عجبنى جدا جدا جدا بس ايه الجرأة الجامدة دى
لا بجد جامد الموضوع ونصايح جامدة

ميرسى جداااااااااااااااااا على الردود